- 有任何問題? 請聯絡我們
- 2669 9940
- info@petpetgroup.com.hk
認識狗狗毛髮及美容–捲毛篇（七）
認識狗狗毛髮及美容-捲毛篇（六）
July 19, 2018
護理軟毛犬寶貝小秘技
July 25, 2018
關於美國水獵犬嘅起源至今仍未有準確嘅依據，係美國好多地方嘅獵人早已經發現呢款狗狗嘅優點；由於呢款品種係中西部首先俾認可，所以進行大量繁殖，有人認爲係中西部發展進化而嚟，結合狗狗嘅毛色，毛髮同品種標準嘅體形構成，普遍認為愛爾蘭水獵犬，捲毛尋獵犬以及近代嘅老式英國水獵犬係佢嘅祖先。
美國水獵犬嘅毛毛特質：毛髮由波浪紋至捲曲，唔同部位都會有唔同嘅捲曲程度；密集嘅底層毛提供抵抗天氣，水分或抗傷害嘅保護性，但唔會過於粗糙或者柔軟。
美國水獵犬非常聰明伶俐，十分友好，鐘意逗主人開心，而且佢非常平易近人，水獵犬體型中等，肌肉發達，充滿力量；對狩獵有巨大嘅精力同渴求，係野外能夠接收命令，表現出聰慧敏捷，友好溫順嘅性格，同時擁有靈敏嘅嗅覺，出色嘅泳技，因此成為深受主人信賴嘅警衛犬，亦都係優秀嘅看家犬。
美國水獵犬知多D：
美國水獵犬體型中等，肌肉發達，充滿力量，所以運動量一定要保持，水獵犬天生鐘意運動，可以帶佢到寬闊嘅地方散步或者俾佢跑步，合理嘅運動能夠保持狗狗嘅健康同一個好嘅心情；關於餵養方面要注意食物唔好太熱或者凍，凍得擎會對寵物嘅腸胃造成損傷，太過熱嘅話會破壞食物裡面嘅營養，食物溫溫易入口；食完飯定期檢查口腔，檢查狗狗是否會有異物係牙縫裡面，如有需要及時清理；儘量避免劇烈運動，等狗狗休息一段時間之後，再帶佢出去散步。
另外幫助水獵犬沖涼時要使用犬用中性洗髮水幫狗狗沖涼，同埋要用狗狗專用護毛素；要將毛毛處理乾淨有助於毛髮生長；呢款狗狗毛層較長，需要每日梳理毛髮；選擇定期帶佢去寵物美容室沖涼，如果自己幫狗狗沖涼時要注意避免將水淋濕耳仔，相反要用棉花球將耳仔抹乾，避免耳內滋生細菌。
如果有關於水獵犬嘅小貼士，歡迎係我哋嘅website/facebook/instagram留言。
