- 有任何問題? 請聯絡我們
- 2669 9940
- info@petpetgroup.com.hk
認識狗狗毛髮及美容-捲毛篇（六）
認識狗狗毛髮及美容-捲毛篇（五）
July 17, 2018
認識狗狗毛髮及美容–捲毛篇（七）
July 23, 2018
凱利藍梗又叫作愛爾蘭梗，佢係愛爾蘭國犬，起源於十九世紀愛爾蘭嘅凱里郡，據傳十六世紀係愛爾蘭沿海發現，成為西班牙犬系嘅子孫；而另一種猜測係由相當大型嘅愛爾蘭獵狼犬血統繁殖出嚟嘅品種；第一次重要嘅展示係二十世紀中期，隨後凱利藍梗被培訓調教成具備各種特質嘅狗狗，之後美國養犬俱樂部將凱利藍梗認證爲冠軍級別嘅犬種。
凱利藍梗嘅毛毛特質：底層毛比較密集，外層毛粗硬同捲曲，頸部同背部嘅毛髮比較厚實捲曲，可以保護身體，面部毛髮生長速度快，整體嘅毛髮量多。
凱利藍梗嘅性格溫和，充滿活力，忠於主人，偶爾會有百厭嘅時候，自己有“小情緒”；警惕性比較強，對陌生人同其他動物嘅防範意識比較強，具備多方面嘅才能，更具備追踪同捕捉獵物嘅本能，佢適合各種形式嘅工作，而且易於訓練，具備不屈不撓嘅精神，係歷史上凱利藍梗曾經勝任警犬工作。
凱利藍梗知多D：
關於凱利藍梗嘅梳毛方面，早晚應該梳毛一次，每次梳毛大概五分鐘；梳毛要注意由頸部開始，由前向後，自上而下順序進行，即係先從頸部到肩部，然後依次背，胸，腰，腹，後軀，再梳到頭部，最後梳四肢同尾部嘅毛髮，梳理過程中應該梳完一邊再梳另一邊。
凱利藍梗係一種十分愛運動嘅狗狗，所以每日要保持運動量，堅持每日兩次每次二十分鐘嘅散步時間。另外，主人要留意狗狗嘅訓練，凱利藍梗屬於非常聰明嘅犬種，但係頑皮嘅佢有時會似小朋友一樣，所以係正確完成動作之後，應該要及時地用佢哋鐘意嘅玩具作為獎勵。