法國老虎犬知多D：

狗狗性格溫順，善良文靜，親切，黐人，係一個舒適嘅伴侶，天性摯愛，適應性比較強，適合陪伴細路仔同老人，但要注意同細路仔相處嘅時候，大人要係旁邊看護。

佢嘅標誌就係企定定嘅耳仔，不過咧，對耳仔好容易整邋遢，時間一長就會有耳蠟，養佢嘅朋友仔要注意幫佢定期清潔。

體型比較細，注意佢唔適合長時間嘅散步，面部嘅皺褶結構需要定期溫水濕毛巾清潔，再用乾燥嘅軟毛巾抹乾，避免細菌感染；另外，佢會有自身嘅汗味，但因爲佢細細嗰唔適合沖涼，可用溫水濕毛巾定期幫佢抹一抹。

法國老虎犬都需要適當嘅調教等佢養成一個好嘅習慣，首先落order嘅時候要明確，儘量唔好用相同嘅字眼嚟教，因爲佢會容易攪亂，咁樣訓練嘅效果就唔係咁好。然之後，Order唔好太過複雜，簡單滴等佢記得住，因爲佢就好似細路仔，記單字會比記句子更加容易。

例如訓練佢上廁所，如果佢屙錯地方，係妳訓練時候儘量唔好講“唔好系度wee wee”嘅長句子，可以嘗試指住錯誤嘅地方，同佢講一個字“NO”，咁樣佢會更加容易明白。最後，命令嘅時候注意語氣唔好太重，亦都避免太過開玩笑，儘量嚴肅少少，等佢清楚明白道理。

耳仔企定定嘅狗狗終於揭曉~！歡迎有昵種狗狗的朋友仔係我哋嘅website/facebook/ig.分享留言~！

認識狗狗毛髮及美容—軟毛篇(六)