聽狗狗嘅名可以知道佢係源自匈牙利，中世紀開始係匈牙利出現，維茲拉犬會係獵物豐富嘅匈牙利平原狩獵，二十世紀傳入澳洲，經過慢慢改良成而加嘅品種再分散係世界各地；擁有出衆嘅狩獵技術，係天生嘅獵犬，可以追蹤獵物等能力，亦可以作爲家庭犬餵養；

匈牙利維茲拉犬嘅毛毛特質：短，順滑，密集而橫生；毛色一般係暗黃色或者係純金銹嘅毛色；

匈牙利維茲拉犬體型中等，肌肉發達，係一個好動嘅狗狗，睇上去精明能幹活潑，性格沉穩有理智，對人忠誠，充滿親和力，容易訓練，體力爆燈；有指示獵犬同尋回犬嘅特點，平時係屋企守規矩同有保護朋友仔嘅本能；

匈牙利維茲拉犬知多D：

匈牙利維茲拉犬嘅耳仔係垂直形狀嘅，會將耳洞長期遮住，所以平時要注意幫狗狗耳仔清理乾淨，一般會用洗耳水點點清洗，用乾燥嘅棉花將耳道抹乾，重複一到兩次，保證耳內嘅邋遢嘢已經清洗乾淨，唔熟悉嘅朋友仔要注意諮詢專業寵物美容師啦；

狗狗仲有一個需要注意嘅問題就係沖完涼一般不好用烘乾機烘乾，最好用吹風機將佢全身吹乾；如果有毛毛打結嘅時候要慢慢梳開，避免太過大力，沖涼嘅時候注意狗狗皮毛及皮膚狀況；

由於天生嘅獵犬品性，匈牙利維茲拉犬運動需要比較大，所以建議選擇係天氣晴朗，避免日曬嘅時候帶狗狗去寬闊嘅地方運動，可以適當等佢練習基本訓練；一般情況下，選擇散步或者小步跑就可以啦，保證合適嘅運動量維持狗狗身體。

匈牙利維茲拉犬個名有少少長，對佢瞭解嘅朋友仔歡迎係我哋嘅website/facebook/ig.分享留言~！

認識狗狗毛髮及美容——軟毛篇(十九)