指示犬原產於英國，係十七世紀嘅時候開始出現，由於所有指示獵犬嘅行爲特徵係發現獵物嘅時候，會用身體特定嘅姿勢向獵人表示獵物所在嘅地方，所以就稱之爲指示犬啦。

指示犬嘅毛毛特質：短而密集，順滑有光澤。

指示犬屬於運動型嘅獵犬，運動有力同敏捷，肌肉發達嘅神曲，充滿耐力同爆發力；聰明又機警，亦都會有文靜嘅時候，比較適合野外活動，從佢嘅表情睇得出對主人嘅忠誠同朋友嘅喜愛。

指示犬知多D：

因爲指示犬嘅毛毛順滑密集，有個特點就係眼部嘅毛髮比較特別，內眼角嘅毛向面部減少，最後與面部毛髮交雜，外眼角嘅毛毛要長過面部毛髮，眉毛係最長嘅；

如果係修剪嘅時候一般會修剪鼻部上面同眉毛之間嘅所有長毛同兩眼之間嘅雜毛，令到指示犬嘅眉毛會更加清晰有型；建議唔熟練嘅朋友仔帶狗狗去專業嘅美容室扮靚靚。

指示犬係細細嗰鐘意拎嘢嚟咬或者咬人，所以主人要注意訓練狗狗呢種習慣：如果睇到佢做出咬人嘅傾向，要及時阻止，並嚴厲批評狗狗；或者同佢面對面咁樣批評佢，適當嘅時候要大聲批評；等佢安靜落嚟再去安慰狗狗，細聲同佢說明。

有時候指示犬會因爲見到陌生人而警戒或者恐懼而咬人，呢個時候最好要係專業嘅狗狗訓練員指導下，嘗試讓陌生人或朋友餵狗狗食物，最好俾佢睇到係主人將食物遞俾陌生人嘅，咁樣狗狗會覺得係主人信賴嘅朋友仔，食完兩人要稱讚狗狗，等佢慢慢熟悉同陌生人接觸。

如果朋友仔關於指示獵犬嘅小知識或者貼士，歡迎大家係我哋嘅website/facebook/ig.分享留言~！

認識狗狗毛髮及美容—軟毛篇(十四)