波士頓梗係美國少數嘅犬種之一，早期嘅波士頓梗係通過鬥牛犬同牛頭梗改良嘅犬種，到咗後期挑選同類狗狗配種並改良；呢種狗狗無論係寵物展覽上面或者係家庭當中慢慢成爲備受寵愛嘅狗狗之一。

波士頓梗嘅毛毛特質：短而柔順，有光澤，而且質地優良；毛毛嘅顏色一般係虎斑色或者係黑色之間但有均勻嘅白色斑紋。

波士頓狗狗嘅性格活潑，聰明，鐘意四圍玩，屬於感情豐富嘅狗狗，善良，個性獨特，係一嗰可愛嘅家庭寵物犬；品性溫和，有耐性，可以好好同其他寵物或小朋友和睦相處，可以好快學識嘢，對主人嘅聲音好敏銳並忠於主人。

波士頓狗狗知多D：

波士頓狗狗需要適當嘅運動量，儘量係每日朝早同晏晝帶佢出去散步行街，避免劇烈跑步運動，避免狗狗出現氣喘氣急嘅現象；

每日可以用柔軟嘅梳幫狗狗梳毛，保持佢嘅毛毛清潔同光澤，係頭部，鼻樑，腹部太長嘅毛毛要定期修剪；定期修剪佢嘅指甲，帶狗狗去寵物美容室沖涼清潔；

由於波士頓狗狗係屬於短鼻犬，呼吸道比較短，所以夏天應該要避免激烈運動，需要幫佢涼涼嘅身體；到咗冬天，要注意係狗狗嘅鼻到擦返少少寵物用嘅潤膚油，避免鼻端出現乾裂。

另外，之前介紹過嘅法國鬥牛犬同波士頓梗有少少相似，細心嘅話會發覺佢地唔一樣：法國鬥牛犬嘅耳仔屬於蝙蝠耳，耳仔尾端比較圓滑；而波士頓梗犬係立耳，尾端比較尖；

法鬥嘅面部比較多皺褶；但波士頓梗皺褶少，睇上去比較後生，同埋佢嘅鼻哥係有少少突出嚟嘅；

仲有一個就係法鬥嘅腳比較粗短，四肢壯碩；而波士頓梗則係比較修長，身形緊湊，睇上去比較輕巧。

禾係波士頓梗狗狗--歡迎朋友仔係我哋嘅website/facebook/ig.分享留言~！

認識狗狗毛髮及美容—軟毛篇(十三)