對於芝娃娃妳有瞭解幾多咧：芝娃娃小朋友嚟自於墨西哥嘅奇瓦瓦州，佢係世界上最細嘅犬種，係屬於玩賞犬；活潑，警覺，勇敢，體形嬌小係芝娃娃小朋友嘅特點。

芝娃娃小朋友嘅毛質：柔軟嘅質感，濃密而富有光澤。

芝娃娃嘅性格知多D：

第一，芝娃娃對主人極有獨佔心，如果屋企有小朋友，佢會因爲主人愛小朋友，冷落咗自己而傷心，會慢慢變得自閉，所以當有小朋友嘅時候，主人應該要對佢更加關心，試下轉換佢嘅心情，等佢開心返。

第二，係遇到陌生人嘅時候，佢嘅戒備心理很強，會產生畏懼心理。要注意唔可以強逼佢被陌生人撫摸，可能佢會因爲驚而咬人。

第三，芝娃娃有著強烈的自尊心，如果對佢訓練失敗嘅時候，唔好鬧佢或者罰佢，失敗嘅時候佢會變得唔理人，或者太過逼緊佢會開始用叫聲表示反抗，昵嗰時候要溫柔有耐性咁慢慢教導。

芝娃娃常見嘅生活及生理：

第一，芝娃娃天生怕凍，尤其而家到咗冬天，要注意做好保暖工作，唔好俾佢凍親。記得要加厚佢嘅被竇；帶佢出街，要幫佢扮靚靚著衫保暖防寒。

第二，由於生理原因，佢嘅頭蓋骨密合唔全，留低咗一嗰細窿，千其小心唔好俾佢撞到頭部，唔好俾佢從高處跳落嚟，避免傷到腦骨或者跌斷腿骨。

第三，佢嘅骨骼比較細，盆骨窄，容易難產，儘量避免係屋企自己生，最好聯繫相熟的獸醫或前往醫院生產。

第四，芝娃娃平時嘅眼淚會將眼睛周圍嘅毛毛變色變硬，所以每日用濕布抹走面部或者眼部周圍嘅邋遢嘢，再用柔軟嘅乾毛巾擦乾淨。

另外，平時要注意芝娃娃嘅耳仔清潔，避免有水入度耳仔，如果發現有水嘅情況下，用乾棉球慢慢擦拭乾淨；由於芝娃娃會有耳蠟積聚嘅問題，要做到定期檢查，如果對清理耳蠟唔熟練，就要請教專業嘅寵物美容師啦。

大家有乜小貼士係關於芝娃娃小朋友嘅咧，歡迎大家係我哋嘅website/facebook/ig.分享留言~！