巴薩亨獵犬原產於法國，聽聞係由埃及格雷特獵犬延續落嚟，佢有另外一個名叫做法國短腳獵犬；作爲專門嘅步行狩獵犬，呢種狗狗到而加已經有約100年的歷史，佢通常係英美兩國作爲觀賞犬，受到大家嘅歡迎。

巴薩亨獵犬嘅毛毛特質：硬而柔順的，短，足夠的密度能適應所有的天氣，皮膚是鬆弛而富有彈性；毛色一般會有三種色構成：黑色，黃褐色同白色。

巴薩亨獵犬嘅性格詼諧有風度，具有非常靈敏嘅嗅覺，追趕獵物嘅時候會有深沉而特殊嘅聲音，具有敏銳的嗅覺同長久嘅耐力，基本算係狗狗中嘅前三甲。同時佢都係忠心嘅家庭成員，比較容易同屋企人融洽相處，鐘意同小朋友玩，同其他狗狗都會容易相處。

巴薩亨獵犬知多D：

好多人話巴薩亨獵犬係“小丑”嘅角色，因爲佢嘅面部成日會保持一個憂傷嘅表情，但係唔好剩睇佢嘅表面，因爲同佢實際相處落嚟，會發覺佢活潑開朗，聽話聽教，善解人意噶。

巴薩亨最最明顯嘅特點就係佢兩隻垂落嚟嘅長耳仔，就好似絲絨一樣；但係由於缺乏空氣嘅流通，比較容易引起耳仔發炎；因此需要定期清潔佢嘅耳仔，注意整濕耳仔之後要用乾毛巾抹乾，亦都可以定期去寵物美容師定期護理。

另外，朋友仔會發覺巴薩亨嘅下眼瞼係外翻嘅，長期露出在空氣中容易令到眼部受感染，主人要注意經常留意狗狗眼睛狀況，諮詢獸醫建議後幫佢滴滴適用嘅眼藥水，保持眼部清潔；

仲有需要注意嘅係巴薩亨獵犬有一個比較容易流口水嘅習慣，所以睇到狗狗流口水最好及時用濕毛巾及乾淨嘅毛巾清潔，避免產生細菌。

今日認識巴薩亨獵犬--綢緞咁樣嘅耳仔，佢嘅“憂鬱”其實係開心~歡迎朋友仔係我哋嘅website/facebook/ig.分享留言！

認識狗狗毛髮及美容—軟毛篇(十一)