平毛尋回犬源自於十八世紀，係由拉布拉多犬，愛爾蘭賽特犬同捲毛獵犬雜交培育而成，產地有可能係紐芬蘭島，曾經係英國人最鐘意嘅獵物看守犬，但而加由於佢嘅靈敏同易訓練，令佢再度受歡迎，佢係極好嘅驅趕犬同優秀嘅陸上與水上覓食犬。

平毛尋回犬嘅毛毛特質：中等長度，密集而豐富，毛毛有高度嘅光澤；佢最理想嘅毛髮應該係平直同橫向生長嘅毛毛；毛毛嘅顏色通常爲純黑色。

平毛尋回犬嘅性格活潑快樂，表情聰明，充滿積極向上的氣質，熱愛屋企人，呢款狗狗擁有好多本領，非常容易訓練；係比賽當中，平毛尋回犬顯現出穩重同自信，容易得到滿足，仲特別鐘意外出，搖擺嘅尾巴係佢嘅特徵，可以成爲家庭犬。

平毛尋回犬知多D:

平毛尋回犬最大嘅特點就係有一種強烈嘅嚮往同令人鐘意嘅自我照顧能力，本領多多嘅佢鐘意運動，無論系出街散步定系游水玩樂都係佢嘅喜好，日常時間建議多多帶佢到寬闊地方運動，吸收陽光有助於身體成長。

平毛尋回犬嘅沖涼通常可以係上晝或者晏晝進行，一般係每半個月沖一次，平日最緊要係梳理毛毛，要注意冬季比較乾燥，梳理嘅時候整濕少少水，避免毛毛靜電扯親狗狗。

沖涼嘅時候要注意體貼狗狗，唔好令佢害怕，一定要記住溫柔同佢講嘢，稱讚佢；沖涼嘅時間不宜太長，一般唔好超過二十分鐘；降低水聲，狗狗唔多鐘意嘩嘩水聲，注意水溫適合；如果係新手唔多熟悉，建議去返專業嘅寵物美容室扮靚啦。

歡迎各位朋友仔可以係我哋嘅website/facebook/instagram分享留言~！

認識狗狗毛髮及美容—短毛篇(七)