認識狗狗毛髮及美容—短毛篇(十四) – Main Page 主頁

捲毛尋回犬可以追溯返愛爾蘭長毛水犬，後來到咗1880捲毛犬同貴賓犬培育而成，因此捲毛尋回犬成爲咗係水獵犬之後最受歡迎嘅一種獵犬，經過英國展覽之後，就開始用於捕獵水鴨同美國加州鵪鶉，佢屬於最古老嘅尋回犬之一。

捲毛尋回犬嘅毛毛特質：毛毛厚而纖細，毛毛富有彈力，能夠抵擋水分，具備嘅密度可以提供保護，能夠抵抗不同天氣，水分以及磨損嘅表層；繃緊，捲曲成波浪紋，緊貼著皮膚，毛髮會有成個頸部一直延伸到枕骨部，臀部後腿以及跗關節，以及整條尾巴。

捲毛尋回犬嘅性格獨立同冷靜，從來唔會怕醜，氣質良好，例如係展覽會上面服從性很好；係野外，捲毛尋回犬熱情穩固，天性勇敢；在家裡顯得平靜友善；擁有犀利嘅嗅覺同記憶力；好多朋友仔都認爲捲毛尋回犬嘅性情容易訓練，呢款狗狗熱情耐勞，適合係水上工作，系一個可愛忠實嘅夥伴。

捲毛尋回犬知多D：

捲毛尋回犬作爲獵犬，由於經常會係困難嘅環境例如水入面工作，所以外表比較自然；一般毛髮修剪美容需要注意頭部，頸部同腳部，修剪腳部過多嘅毛髮，而頸部就要留出自然嘅毛髮；需要每日梳理，定期進行專業修剪，如果係沖涼嘅話，要注意將毛髮吹乾令毛毛蓬鬆。

天性活潑好動嘅尋回犬，每日都要有一定嘅時間俾佢跑步同玩耍；或者係花園裡面自由散步，有時間出街係寬闊嘅地方散步訓練；總之需要一定嘅運動量，以便促進佢嘅消化功能運轉同吸收，增進體型健康，加強抗病能力。