松鼠犬起源於北極嘅雪橇犬，早期嘅松鼠犬體型比較大，以前古時候嘅毛色通常爲白色；十九世紀以來，經過選擇性培育，成爲當今顏色鮮明嘅小型犬。

松鼠犬嘅毛毛特質：毛質類型爲雙層毛；底層毛毛係柔軟而密集嘅，外層毛毛長直，非常富有光澤並且粗糙。

松鼠犬嘅性格活潑，鐘意四圍玩，好奇心重，對好多不同嘅嘢都會產生興趣；鐘意同主人詐驕，通常行得辛苦個陣，想主人抱抱；覺得寂寞嘅時候，都會好似糖黐豆；松鼠犬警覺性好高，少少嘅咦郁，就會開始發出尖銳嘹亮嘅嗌聲；外形精緻，好似毛絨玩具一樣可愛。

松鼠犬知多D：

松鼠犬最大嘅特點就係鐘意嗌，係出現亂嗌嘅情況下同唔聽勸告嘅情況下，可以係空罐裡面裝D銅錢或豆仔，係去耳仔旁邊輕輕搖一下，可以令佢慢慢冷靜落嚟，停止吠叫；尤其系幼犬時期，如果繼續亂嗌，可以試下輕輕彈佢嘅鼻尖。

松鼠犬仲系一個天生百厭精，雖然佢自己嘅撕咬能力比較差，但係鐘意亂咬嘢呢個習慣比較嚴重；出現呢種情況，可以買D寵物用咬膠或者玩具俾佢咬；發現之後要輕輕拍下佢以表示懲罰，最好嘅就係得閒多D陪佢玩，儘量將鞋等物品放系拎唔到嘅地方。

關於松鼠犬美容方面，由於佢嘅被毛蓬鬆而且毛量多，圓圓嘅大眼睛非常適合採用圓滾嘅造型。從腿前側面開始，想腿後側將腳四圍修圓，腳尖嘅毛毛亦都修剪爲圓形，腳部外觀睇上去似貓腳狀。

將狗狗前胸嘅裝飾毛毛同耳仔上緣修剪成圓形；背部，腹部同肛門附近亦都係圓形；將犬尾尖端嘅毛毛適量修剪，然後將末端嘅毛毛往上梳，再修剪成水滴形狀；一般造型嘅修剪工作最好搵返熟悉嘅寵物專業美容師嚟幫松鼠毛孩扮靚靚啦。

歡迎各位朋友仔係我哋website/instagram/facebook分享留言~！

認識狗狗毛髮及美容—雙層毛篇(二)