認識狗狗毛髮及美容—雙層毛篇(十三) – Main Page 主頁

認識狗狗毛髮及美容—雙層毛篇(十二)

March 30, 2018

認識狗狗毛髮及美容—雙層毛篇(十四)

April 3, 2018

鬆獅犬係一種非常古老嘅品種，原產於中國北方地區，至少有兩千年嘅歷史；古代嘅鬆獅犬被認爲係惡靈嘅敵人，係守護寺院嘅衛士；而加好多朋友覺得佢可愛嘅外表係受歡迎嘅伴侶犬。

鬆獅犬嘅毛毛特質：雙層毛，毛量豐富，毛毛非常濃密，平直唔會突出，毛層緊貼身體，以及有界限分明嘅內層絨毛；毛色單一通常係黃色或者奶油色。

鬆獅犬嘅性格獨立，固執，忠心耿耿，睇上去面部表情係愁眉苦臉；鬆獅犬其實係非常聰明嘅狗狗，但有時以自我爲中心嘅性格令到狗狗冇咁容易接受訓練；而作爲佢嘅主人需要堅持，要有足夠嘅耐心，應該以親和態度慢慢練習。

鬆獅犬知多D：

鬆獅犬嘅夏天要經常保護毛髮，因爲鬆獅犬嘅毛毛較厚，鼻部較短，散熱會比較慢。所以特別怕熱；係夏天儘量開空調，但係唔好係空調風口吹以免感冒；注意隨時都有水飲，保持水嘅清潔；有時狗狗會因爲玩得過於興奮而忘記飲水，呢個時候一定要等狗狗安靜落嚟，等佢飲水，咁樣可以大大降低狗狗中暑嘅危險。在鬆獅犬沖完涼之後，一定要及時將毛髮吹乾，如果長時間毛毛都係唔乾，狗狗容易起濕疹。

雖然個性獨立，但係鬆獅犬唔會兇猛或者難以相處，如果狗狗嘅脾氣暴躁，咁樣通常係因爲主人教養不當同非常缺乏社交嘅原因，應該由細鍛鍊狗狗與人相處嘅能力；係鬆獅犬細細嗰嘅時候，應該經常撫摸佢，用輕柔嘅語氣同佢交流，咁樣令佢感受到安全感；鬆獅犬細細個唔會表現出固執嘅個性，因此好多人往往會忽略咗對佢嘅訓練，而等到狗狗大個之後，佢特有嘅性格逐漸表現出嚟就會更見難以馴養。