認識狗狗毛髮及美容—雙層毛篇(一) – Main Page 主頁

認識短毛狗狗嘅小知識又結束啦，唔知各位朋友仔有冇學到D小知識咧，如果有關於短毛毛孩嘅小貼士，歡迎係我哋嘅website/facebook/instagram留言。

雙層毛類需要嘅工具：用死毛耙(Dog Rake)--鬆開死毛；直剪(Shears)--修剪雜毛；分結器(Matt Splitter)--梳走纏結嘅毛髮；針梳 (Pin Brush)--梳鬆和梳走死毛；牙剪(Thinners)—將毛修剪短至睇唔到嘅長度同時將毛毛打薄。

雙層毛嘅狗狗有兩種皮層，外層係能夠抵擋任何天氣；內層係隔熱而柔軟嘅；好多狗狗都屬於呢種類型，包括好多大部分嘅工作犬；一般雙層毛狗狗一年內需要修剪數次內層毛毛，次數一般根據狗狗所生活嘅環境氣候而選擇。

關於雙層毛犬專業護理方面，通常會使用死毛耙由祛除內層毛開始；執起長嘅毛髮再耙鬆皮膚表面上嘅內層毛，而唔會損害到永久嘅毛層；如果主人平日沒有經常性咁樣幫助梳毛護理，容易導致死毛同健康嘅毛毛糾纏打結，令到毛毛越嚟越厚。

寵物美容師係呢種情況下會用分結器將混亂嘅毛毛分開，比較容易梳走死毛；另外無論係沖涼前後，毛髮同足部細節都要細心護理；腳掌下面應該用剪刀修剪整齊，而腳掌與腳趾間嘅毛髮應該用牙剪修剪祛除。

跟住落嚟嘅時間，我哋會繼續分享唔同雙層毛狗狗嘅小貼士，歡迎各位朋友仔留言或分享你哋嘅意見。