阿拉斯加雪橇犬係最古老嘅雪橇犬之一，原本生活係阿拉斯加西部部落，係二十世紀，美國養狗協會正式將佢命名爲一個犬種。

阿拉斯加雪橇犬嘅毛毛特質：毛毛厚實粗糙而且柔軟；內層毛毛密集，長度大約1-2吋，毛毛類似羊毛；外層毛毛嘅長度同內層嘅一樣，身體側邊嘅係中等長度，有肩膀到頸部至背部同臀部上面嘅毛毛會慢慢變長。

阿拉斯加雪橇犬嘅性格特點：沉穩忠誠，溫和強壯，容易與人親近，阿拉斯加犬信任所有嘅人，對人類非常友好，佢地非常友好唔會孤僻，但係生活唔會詐嬌，亦都唔會依附係一個人，鐘意保持獨立。

阿拉斯加犬知多D：

阿拉斯加犬體格強壯但天生腸胃較差，要注意避免食油膩嘅食物，原本就係一種工作犬，在英美等地，每年都會舉辦比賽，可以嘗試訓練阿拉斯加犬拉車，等佢成爲好幫手，首先要培養狗狗適應拉車嘅工具，工具嘅用料應該柔軟同結實，注意要輕手同鼓勵佢。

阿拉斯加犬鐘意幫主人做事情，但係如果佢地唔認同主人嘅命令，就有可能違背，只有主人比較有力控制，先會令佢地乖乖聽話，主人必須掌握相關嘅狗狗行爲知識，亦都需要證明自己嘅權威。

阿拉斯加犬同哈士奇都是原始犬同工作犬，外形非常相似；哈士奇屬於中型狗狗，尾部唔會捲曲到背部；阿拉斯加犬嘅尾部通常都係向上捲曲。哈士奇嘅耳仔相距較近，而且會有藍眼，而阿拉斯加犬嘅耳仔距離比較大但係冇藍眼。

認識狗狗毛髮及美容—雙層毛篇(九)