認識狗狗毛髮及美容–易打結毛質篇

August 18, 2018

認識狗狗毛髮及美容-易打結毛質篇之波利犬

August 28, 2018

可蒙犬又叫作克蒙多犬，原產於匈牙利嘅普西塔地區，起源於九世紀；可蒙犬係古老品種，係匈牙利繁殖發展咗幾個世紀，一般認為係征服馬扎爾（即匈牙利一帶）嘅犬種流傳落嚟；“可蒙”呢個詞由十六世紀開始係匈牙利文獻中出現，意思爲大型牧羊犬；二十世紀中期美國養犬俱樂部給予承認，二戰之後美國同匈牙利重新建立聯繫，恢復從匈牙利同歐洲進口可蒙犬品種。

可蒙犬嘅毛毛特質：毛髮濃密，具有保護性，形狀似橡皮繩捲曲，與貼近皮膚短“繩索”組成，整體毛髮看起來係繩索外有一層絨毛；幼犬嘅毛髮比較柔軟，成年犬有兩層毛，一層似幼犬毛，柔軟濃密，絮狀嘅底層毛，外層毛髮粗糙，高低不平，捲曲嘅毛髮；最後形成持久結實嘅繩索狀，觸感似氈制。

可蒙犬嘅性格警惕勇敢，擁有較強嘅領地同保護意識，動作迅速敏捷輕巧，對陌生人有所保留，對主人忠誠，熱愛專注於主人嘅家庭或照顧羊群，係家庭或羊群遇到攻擊時會奮起反抗；對家庭及羊群熱愛，具備盡忠職守嘅優點，可蒙犬係家庭或羊群最好嘅守護者，最初係匈牙利被培育出來，用於保護大量嘅牲畜；佢肌肉發達，覆蓋著密集似白絨繩嘅毛髮，保護佢唔受肉食動物嘅傷害；雖然佢體型巨大，但唔會過於笨重，具備令人驚訝嘅速度，身體敏捷同輕巧，活動快速；可蒙犬非常樂意實施自己嘅保護責任，作為寵物佢會比較安靜，具有可愛嘅外形，備受大家喜愛嘅品種之一。

可蒙犬知多D：

幫助可蒙犬進行梳理包括梳毛，刷毛以及修剪，護毛流程既可以幫助狗狗嘅死毛脫落，仲可以刺激狗狗皮膚嘅血液流通，增加皮脂腺分泌，令到毛髮清潔光亮；通常梳毛方式係按照毛髮生長方向，由頭到尾，從上到下進行梳刷，從頸部到肩部，然後刷拭四肢和尾部；刷完一側再刷另一側，刷拭時用洗刷先順著毛向刷掉表層污物，反覆刷拭然後祛除毛層裡面嘅污物。

另外沖涼時要使用犬用中性洗髮水幫狗狗沖涼，同埋要用狗狗專用護毛素；要將毛毛處理乾淨有助於毛髮生長；呢款狗狗毛層較長，需要每日梳理毛髮；選擇定期帶佢去寵物美容室沖涼，如果自己幫狗狗沖涼時要注意避免將水淋濕耳仔，相反要用棉花球將耳仔抹乾，避免耳內滋生細菌。