- 有任何問題? 請聯絡我們
- 2669 9940
- info@petpetgroup.com.hk
認識狗狗毛髮及美容–鋼毛篇（十二）
認識狗狗毛髮及美容–鋼毛篇（十一）
June 25, 2018
認識狗狗毛髮及美容–鋼毛篇（十三）
June 30, 2018
蘇格蘭梗有個別名叫做亞伯丁梗綽號“蘇格蘭小子”，歷史非常久遠，但暫時冇具體嘅譜系記載；第一次對蘇格蘭梗進行分類係十九世紀末期英國伯明翰進行。後來蘇格蘭梗俱樂部成立了，由英格蘭和蘇格蘭共同擔任官員，隨著對呢個品種嘅興趣，呢兩個國家組建做各自嘅俱樂部。
蘇格蘭梗嘅毛毛特質：毛層起伏不平，外層毛係鋼毛，毛質粗硬，底層毛柔軟濃密；鬍鬚，腿部以及身體下方嘅毛髮較長；前顎嘅毛髮較長，睇上去似眉毛；毛色通常為黑色，小麥色或帶有其他顏色嘅斑點。
蘇格蘭梗嘅性格自信威嚴，警惕而勇敢，同時穩定同安靜；佢係堅定而有主見嘅狗狗；外貌出眾，精力充沛，機智聰明。對於其它嘅狗狗有一定嘅攻擊性，但係對人溫和有愛；有時候可能會表現出少少固執，甚至有少少“無理取鬧”，呢個時候主人應該適當批評佢，要好好教育，等佢改咗呢個壞習慣，所以有人會將佢稱之爲“固執份子”。
蘇格蘭梗知多D：
蘇格蘭梗雖然體型嬌小，但佢嘅力量非常大。在日常餵養中要確保營養平衡，定時定點餵養，養成良好嘅習慣。餵養蘇格蘭梗嘅過程中要記住可以俾佢食一定嘅肉類但唔好太多，而且需要係煮熟嘅肉類；另外需要定期幫佢驅除體內外寄生蟲，可以有效改善食慾不佳，無緣無故屙肚等症狀。
關於蘇格蘭梗嘅毛髮護理方面，由於佢嘅毛層起伏不平，所以需要每日梳理，保持乾淨及良好形象。早晚應該梳毛一次，每次梳毛五分鐘，梳毛要注意順序：由頸部開始，由前向後，自上而下順次進行，梳理過程中應該梳完一邊再梳另一邊。梳理時要留意底層嘅細茸毛，細軟而綿密，長期唔梳理，會造成纏結，甚至會引起濕疹皮癬或其他皮膚病。因此係對梳理時要一層層梳，仲要將外層毛撩起，然後對底層毛進行梳理。