認識狗狗毛髮及美容—絲毛篇（十五） – Main Page 主頁

波索爾據傳係由蒙古族攻打俄國嘅戰爭時期，與俄國本土嘅獵犬進行交配改良，而且慢慢適應俄國嘅高寒氣候，同時使用佢優秀嘅視覺能力進行狩獵，慢慢演變爲而加嘅波索爾犬。

波索爾嘅毛毛特質：絲質毛髮長，通常係平伏，波浪紋或者捲曲形狀；頭部，耳仔同前腳嘅毛髮係短而柔軟；頸項上嘅毛髮比較豐富同捲曲；身體後半部同尾巴毛髮係長而豐富嘅羽毛，但比胸部同前腳嘅毛髮短。

波索爾嘅性格安靜可愛，充滿力量，舉止優雅，持有冷靜威嚴嘅態度；對人有禮貌。好少吠叫；動態是活潑，靜態時安靜，爲主人屋企增添各種樂趣；波索爾對陌生人嘅表現比較冷淡，但對主人非常熱情。

波索爾知多D：

波索爾犬係家庭裡面好好嘅伴侶犬，鐘意俾人愛錫，主人需要俾多D關懷，佢鐘意訓係柔軟嘅床鋪上面；另外，波索爾犬其實係有智慧嘅狗狗，有時會用作治療犬係醫院同療養院工作；而且係訓練嘅過程中學習能力較快，熟悉基本嘅順從等其他方面嘅指令。

由於波索爾犬嘅毛髮比較長，所以每個星期需要梳理兩到三次，注意毛髮梳理要順著毛髮方向，發現有纏住嘅毛髮需要輕輕撥開或者噴少少水再繼續梳理；另外佢屬於視覺性獵犬，運動量比較大，需要通過運動嚟發泄體力，散步時要用狗繩，避免佢追趕其他嘅小動物造成危險。