舒伯奇犬起源於法蘭德斯地區，幾個世紀以來都未曾有類似嘅品種出現，有人認爲舒伯奇犬係現時已經滅絕咗嘅比利時牧羊犬嘅後代，亦都有傳呢款犬係北方狐狸犬嘅後代，或者係猴類同博美犬嘅雜交犬，從古至今一直受到大家嘅歡迎，被視爲係比利時國產犬種之一。

舒伯奇犬嘅毛毛特質：豐富而直身嘅毛毛，摸上去手感比較粗糙，身體上面比較柔軟嘅底層毛密集而短，同埋圍著頸項嘅毛毛非常密集，所以頸部輪廓非常明顯；毛毛顏色一般係外層毛純黑色，底層毛稍微淺少少。

舒伯奇犬雖然體型較細，但係保持好鬥嘅個性，佢嘅精力充沛令佢適合係運河嘅船上面工作同生活，佢仲係一個好奇，對周圍每件事情感到好奇嘅狗狗嚟噶，溫和可愛，能夠同細路仔和諧相處，對陌生人有所保留，隨時準備保護自己嘅家庭同埋財產，係一隻忠實嘅狗狗。

舒伯奇犬知多D：

對於舒伯奇犬嘅第一印象就係佢一身純黑嘅酷look，關於舒伯奇犬毛毛修剪方面要注意佢係屬於自然品種，所以通常情況需要修剪鬍鬚，腳部同腳趾嘅毛毛，其他地方儘量避免修剪；另外舒伯奇犬係興奮嘅時候，佢粗密厚厚嘅毛毛會逆方向豎立。

舒伯奇犬嘅濃密毛毛可以保證佢係冬天依然保持溫暖，由於長期居住於比利時低窪地帶嘅河邊，所以佢熟悉水性，曾經被用來看守運河船同捕捉老鼠，從佢黝黑嘅外表睇上去就好似軍人一樣一絲不苟。

對於舒伯奇犬都一樣有適當訓練嘅必要，係條件刺激訓練需要注意口令要一致簡單，發音清晰；已經規定嘅口令儘量避免更改，以免造成狗狗反應混亂；手勢方面係以一定嘅動作，由於手勢屬於視覺形象刺激，通常訓練裡面需要將口令同手勢結合一起運用。

歡迎熟悉舒伯奇犬嘅朋友仔係我哋嘅website/facebook/instagram分享留言~！

認識狗狗毛髮及美容—短毛篇(五)