認識狗狗毛髮及美容—短毛篇(二) – Main Page 主頁

彭博威爾斯哥基犬呢個名係源於威爾斯土語，意思係嬌小之犬，哥基犬最早係作爲追牛犬培育而成嘅品種，用於幫助主人驅趕牛羊到市場；從十二世紀嘅查理一世到而加嘅伊麗莎白二世，哥基犬一直都係英國王室嘅寵物。

彭博威爾斯哥基犬嘅毛毛特質：毛毛中等長度，但較粗嘅底層毛短而厚，能夠抵擋唔同嘅天氣，外層毛較長，所以整體長度唔同；頸項，胸同肩膀上面嘅毛毛比較厚同長，至於身體上嘅毛毛會橫向生長；前腳同佢嘅下部嘅毛毛會稍微長少少，而係臀部嘅毛毛又會再長少少。

彭博威爾斯哥基犬嘅性格溫和穩健，聰明機警，膽大心細，忠誠友好，喜愛運動，精力旺盛，容易訓練，好快適應家居生活，既可以高度警惕守護屋企，又可以成爲小朋友嘅好朋友，係一個非常適合嘅守護犬。

彭博威爾斯哥基犬知多D：

哥基犬通常會係二至五個月大嘅時候立耳，少部分狗狗會係一年左右先會立耳；立耳嘅過程經常會反覆變化，只要有立耳嘅趨勢最後都會成功立耳；如果狗狗遲遲未見立耳可以諮詢獸醫過後，適量補充鈣片；唔好選擇綁耳，綁耳會導致狗狗血液循環不流通，甚至會將耳仔綁壞。

朋友仔可能都知道哥基犬由細到大嘅身高唔會高，但係身長會長到大約四十二公分，因此只有長短，冇有高矮嘅哥基犬有個著稱叫做“加長林肯”。另外，哥基容易發胖，呢款狗狗標準體重係十至十二公斤，若果身體太過肥胖，容易患椎間盤突出，所以注意控制體重。

係飲食方面，哥基犬屬於食慾旺盛嘅犬種，主人需要注意控制狗狗飲食；另外，哥基犬長期唔運動容易變肥，除咗散步，仲要適當慢跑每日早晚一次，每次三十分鐘；由於哥基犬先天股關節比較弱，因此激烈嘅運動會俾佢嘅脊椎造成負擔，尤其是從高處跳落嘅行爲要禁止，帶狗狗上樓最好要用牽引繩帶上下樓。

各位朋友仔，禾係哥基寶寶啊，快D嚟我哋嘅website/facebook/instagram分享留言啊~！