認識狗狗毛髮及美容—短毛篇(一) – Main Page 主頁

認識軟毛狗狗嘅小知識暫告一段啦，朋友仔仲有關於我哋軟毛毛孩們嘅任何小貼士，歡迎係我哋嘅website/facebook/instagram留言。

等我哋齊齊認識一下短毛毛孩們~！呢一類嘅叢毛比軟毛類嘅稍微長一些，較密集；通常情況下，利用死毛耙可以梳甩毛孩背部包括patpat同頸部肩部過多嘅死毛；

短毛類需要嘅工具：用牧羊耙(Shedding Blade)--鬆開死毛；除死毛器(De-shedder)--梳走已死嘅毛，直剪(Shears)--修剪毛，圓形膠刷(Rubber Curry)--用打圈嘅方式鬆開死毛，洗澡刷(Shampoo Brush)—沖涼用。

幾個特殊用於短毛嘅工具：美容師梳(Combo Comb)—檢查有冇死毛未梳起；死毛耙(Dog Rake)—梳走背部同臀部嘅底層毛；

差唔多完成嗰陣，可以用美容師梳再梳一次，檢查毛孩嘅身上仲有冇任何脫落嘅叢毛未梳走；呢種類型同之前介紹嘅軟毛一樣，唔需要經常沖涼，但係需要佢地更頻密嘅梳刷；一般簡單嘅步驟就係梳走所有嘅死毛同過厚嘅底層毛毛。

下一篇我哋會具體介紹短毛類嘅狗狗品種，如果係幫狗狗梳理清潔時遇到問題，應該要及時向專業狗狗美容師或獸醫諮詢請教啦。