比高仔知多D：

比高犬源於古希臘，被訓練爲專門狩獵小型獵物嘅獵犬；性格活潑開朗，與人親近，鐘意barking，精力旺盛，係獵犬犬種中屬於體型最細嘅品種。

比高犬毛毛嘅特質—濃密而硬嘅，毛毛長度是中等長度。

比高精力非常旺盛~ 一般情況下，狗狗到咗一定年紀，性情就會比較穩定，但係比高犬就好似老頑童，到咗七歲都係活潑亂跳。

比高百厭精需要成日有屋企人陪伴，相反佢會係孤獨嘅時候用屋企裡面嘅嘢作爲發泄對象。

同比高百厭精共處嘅方式：

比高犬好餵食，係個標準嘅大胃王，無論俾佢幾多食物都一定食完，甚至乎食到自己肚腩脹嗮先肯停落來。

比高犬Barking會比一般狗狗高亢，有個犀利嘅外號叫做“森林鈴聲”，由於佢警覺性高，一有咩聲響就會開始嗌。

仲有佢對乜嘢都有滿滿嘅好奇心，會去咬下佢自己好奇滴嘢，或者有時聽到輕微嘅聲音會係第一時間行前去，所以出街要幫佢帶狗繩，爲免去周圍亂跑。

比高犬係犬種裡面智商高，但服從性唔好，所以需要由細細嗰開始管教，如果唔系佢會變得唔尊重人。

舉一個例子，等佢學識等待嘅訓練好緊要，首先等佢坐係地板上面，同時話比佢知“唔好郁”，或擺出“stop”嘅手勢，如佢一開始郁，就要重新來過，而且要用嚴厲嘅表情同語言等佢知錯；

相反唔郁，就可以獎勵佢，等佢保持兩分鐘。咁樣一來可以增強狗狗嘅定力，二來可以令到佢識得尊重人。千其注意要有耐心，反覆咁教佢，要俾多滴時間去陪伴佢，定期帶佢外出運動。

仲有冇小貼士係關於比高仔嘅咧，歡迎大家係我哋嘅website/facebook/ig.分享留言~！