認識狗狗毛髮及美容—軟毛篇(二)

今日，我哋嚟睇一睇常見嘅軟毛狗狗---八哥仔！

八哥仔嘅毛質：纖細，順滑，短而柔軟，有光澤，唔會變得彎曲，類似羊毛。

八哥有乜特點呢：佢係一嗰友善開朗忠誠，有少少固執，佢嘅黑扁面非常具有特色，睇上去成日一副心事重重嘅樣，八哥唔鐘意大聲吠，但鐘意同細路仔玩，性格比較冷靜。

八哥仔日常護理需要注意嘅情況：

由於八哥嘅鼻道比較短，容易發生呼吸困難，所以係食嘢嘅時候，運動嘅時候要特別留心，注意控制八哥仔嘅運動量。萬一出現呼吸困難，一直喘氣流口水，建議嘗試幫佢煽風，等佢涼一涼，若果情況冇改善，需要及時請教相熟嘅獸醫幫手。

八哥嘅額頭上面同頸部比較多皺褶，好容易因爲邋遢嘢積累而引發皮膚病，所以要經常檢查同注意清潔（食完飯飲完水後）。

係清理時，需要將八哥仔嘅皺褶翻開，用半濕嘅軟毛巾細心直線向下擦拭，要注意八哥仔嘅皺褶要時刻保持乾燥；

清理嘅時候要睇睇皮膚有冇紅腫，皮疹或難聞嘅氣味，如有應該要及時請教獸醫。

如果妳睇到八哥仔成日流眼水，可以用沾咗溫水(水溫四十度))嘅棉籤，由眼內角向外輕輕手抹，要注意千其唔好用乾棉球，因爲嗰棉絮黐係眼上面，容易產生細菌導致眼病；

另外，要定期檢查八哥仔嘅耳仔，睇下有冇唔正常嘅分泌物，日常清潔可以用棉球濕少少嘅洗耳水，輕輕手清理，如果不熟練或發現異常，建議諮詢相熟嘅獸醫幫手。

睇完之後，養八哥嘅朋友仔有乜自己護理八哥仔嘅小經驗咧，可以隨時係我哋website, facebook 度分享留言，等更加多嘅八哥老友學多滴嘢！