- 有任何問題? 請聯絡我們
- 2669 9940
- info@petpetgroup.com.hk
認識狗狗毛髮及美容–鋼毛篇（十三）
認識狗狗毛髮及美容–鋼毛篇（十二）
June 27, 2018
認識狗狗毛髮及美容–鋼毛篇（十四）
July 3, 2018
鋼毛獵狐爹利起源於十九世紀，係為咗獵狐而產生嘅犬種，原產於英國，後來輸出到世界各地。佢繼承咗粗毛黑白梗犬及多數梗類血統，一隻叫做“德勒馬捷科”嘅鋼毛獵狐爹利係第一次世界大戰隨英國近衛軍征戰，而且榮獲服務勳章；鋼毛獵狐爹利早期唔太受歡迎，後來慢慢就超過了短毛品種，係十九世紀中期達到全盛時期。
鋼毛獵狐爹利嘅毛毛特質：佢嘅毛髮好似椰子嘅纖維一樣長而硬，毛髮濃密粗硬，類似金屬絲緊緊地貼係身體，覆蓋咗身軀同腿部；部分最硬嘅毛髮呈捲曲狀或輕微嘅波紋狀；係堅硬嘅毛髮下面由長度較短而且較軟嘅底毛組成；毛色以白色為主，搭配黃褐，黑色斑紋。
鋼毛獵狐爹利非常聰明，對新事物充滿好奇信，對環境嘅適應能力強；所以只要感興趣，佢會好樂意去學習，而且能夠輕鬆完成任務；對主人感情深厚，開朗同熱情；容易同小朋友相處，係小朋友嘅好伴侶；對陌生人警惕同擁有較強嘅保護能力，令佢成為受歡迎嘅家庭犬。
鋼毛獵狐爹利知多D：
鋼毛獵狐爹利係一種非常喜愛乾淨嘅狗狗，所以主人需要每個禮拜幫佢沖一次涼，要用專用嘅寵物洗髮水；注意沖涼前要用棉花堵住耳仔耳道，避免水流入耳仔導致不適。沖涼嘅時候要輕輕握住狗狗頭部或嘴端，稍微抬高些，以免水流入耳朵或眼睛，潤濕之後清潔身體毛髮，如果腳部毛髮邋遢，可以另外使用適量帶有漂白，清潔，殺菌，除蟲作用嘅洗髮水清潔；用溫水清洗乾淨後，用乾毛巾將狗狗身上嘅水抹乾，最後風乾同梳毛；沖涼係一個美容過程，建議最好係寵物美容院完成。
作爲主人，最緊要爲狗狗營造一個溫馨嘅家庭氛圍，需要準備營養豐富均衡嘅食物。首先係以狗糧爲主，根據狗狗嘅需求，諮詢獸醫嘅建議下配搭狗糧食譜。每日餵食應該定時定量，促進養成良好生活習慣；另外要知道食物是否可以進食，需要區分清楚食物成份；另外活潑好動嘅鋼毛獵狐爹利，需要足夠嘅空間散步運動，鐘意追捕小遊戲，能夠自己獨立工作，但需要嚴加訓練以控制佢狩獵本能。