- 有任何問題? 請聯絡我們
- 2669 9940
- info@petpetgroup.com.hk
認識狗狗毛髮及美容–鋼毛篇（十一）
認識狗狗毛髮及美容–鋼毛篇（十）
June 21, 2018
認識狗狗毛髮及美容–鋼毛篇（十二）
June 27, 2018
凱安梗嘅名字取自石堆之意，屬於工作梗中最小型嘅品種，源自蘇格蘭高地石堆。凱安梗善於追踪係石堆裡面嘅老鼠狐狸，有時會追捕兇猛嘅歐洲貓類；佢嘅歷史可以追溯到500年前，源自斯開島嘅凱安梗與其他高地犬種，例如蘇格蘭梗，高地白梗等隸屬同一祖先。二十世紀初期英國養犬俱樂部正式確立呢款品種。
凱安梗嘅毛毛特質：能夠適應任何氣候嘅外層毛，覆蓋著柔軟嘅底層毛，毛色為紅，灰色，奶油色，芥茉色或者近黑色；鼻口部及耳部顏色較暗，外層毛豐厚，同時有厚厚嘅底層絨毛，外層毛需要定型修剪，纖細嘅底層毛亦都要經過特別修剪。
凱安梗嘅性格活潑，聰明，忠誠，友善，係理想嘅家庭犬；自然嘅外形備受大家歡迎，呢款狗狗係活躍嘅小型工作梗，屬於短腿類；動作輕鬆有力，身體結構唔會沉重，具備粗硬而且能夠抵抗惡劣氣候嘅皮毛；頭部比其他梗類犬短且寬，帶有濃密嘅毛髮，較似狐狸嘅外觀嘅守門犬。
凱安梗知多D：
為咗凱安梗嘅毛髮處於最好狀態，定期梳理毛髮；將軀體毛髮向前梳，然後用梳子向下梳理，然後再重複向前梳；梗犬類通常需要進行美容拔毛，建議最好去專業嘅寵物美容院以確保狗狗安全；美容拔毛可以令到毛髮乾淨光滑，而且有利於新生毛髮生長；眉毛和肩部嘅每根長毛都應梳洗乾淨，咁樣狗狗會有一種長發飄逸嘅感覺。
由於呢款狗狗鐘意亂嗌，所以由細就要進行訓練。當凱安梗開始亂嗌嘅時候，主人要用手勢指示佢停止叫聲，一邊用手輕輕抓住鼻口部，一邊用習慣用語發出命令，比如“安靜”；如果乖乖服從命令可輕聲誇獎同時撫摩佢嘅頸部；如果唔服從命令，可以適當加重語氣和表情要嚴肅。另外，平時要注意保持狗屋嘅清潔同消毒，俾佢一個乾淨舒適嘅居住環境。