哈瓦那犬最早時期可以追溯至地中海地區嘅波利尼斯時代，亦都可能源自馬耳他島，係西班牙同意大利可能有部分品種嘅血統嚟自哈瓦那犬，現代哈瓦那犬應該屬於古巴當地犬嘅後代，古巴革命之後傳入美國進行培育改良。

哈瓦那嘅毛毛特質：外層毛同底層毛都係非常柔軟，身上嘅毛髮長而自然，毛髮類型由直至曲，類似波浪紋狀嘅毛髮；毛量多而豐厚，捲毛通常紮起，毛色包括普遍顏色，常見純白奶油色或香檳色等各類顏色。

哈瓦那犬嘅性格比較怕醜，聰明友善，依戀主人，對細路仔特別友好，鐘意同小朋友及其他動物相處；個性活潑，曾經係富人貴族嘅寵物；經常搞怪吸引家人嘅注意力，對陌生人具備警戒心，佢地係天生嘅家庭伴侶犬。

哈瓦那犬知多D：

哈瓦那犬唔容易甩毛，毛髮質地類似人類毛髮，佢嘅毛髮係一歲之後就會逐漸變長，建議定期梳理毛髮，否則毛髮會打棘；另外建議每隔四至六週到寵物美容室修剪毛髮以保持毛髮健康。

哈瓦那犬對居住嘅環境要求比較高，經常需要有人陪伴，玩嘅地方最好避免邋遢，灰層多嘅地方，選擇地磚鋪俾佢散步，避免造成腳底板壓力；另外，呢款狗狗嘅指甲生長較快，需要定期幫佢修剪指甲，修剪時用犬用指甲刀，避免過短整親血管；唔熟練建議最好帶佢寵物美容室幫手修剪。

認識狗狗毛髮及美容—絲毛篇（十）