原產於英國東北部嘅約克郡，佢身形嬌小，體型僅次於芝娃娃，早在維多利亞時代就係時髦嘅寵物，曾經係工人嘅捕鼠犬種，後來進行改良，係世界上廣受歡迎嘅觀賞犬和伴侶犬。

約克夏犬嘅毛毛特質：毛髮順直濃密精細，毛髮質地如絲光滑，軀體毛長適中，金色嘅毛髮從面部垂直而下。

約克夏犬性格溫順，個性聰明有自信，警覺性高，有少少固執，容易同屋企人相處，對主人忠心熱情包括其他的動物，係友好嘅觀賞犬，適合公寓生活，只需要短距離嘅出街散步動作敏捷輕快，比較親近人，一身靚麗嘅毛髮，要注意毛髮梳理。

約克夏犬知多D：

關於約克夏犬嘅餵養方面，約克夏鐘意食肉，係佢三個月大嘅時候可以根據具體身體情況每日補充羊肉同雞肉以提供營養同保持毛髮健康有光澤，注意要切成肉丁，唔好餵骨頭避免損壞牙齒。

關於約克夏犬嘅美容方面，由於佢嘅毛髮比較長，所以必須每日梳理一次，梳理嘅時候要用防靜電梳以免毛髮變得更加彎曲；另外由於約克夏犬最初係用嚟捉老鼠，到而加可能仲有呢個本能，如果發現狗狗捉到老鼠，要及時清理消毒，避免染上鼠疫。

約克夏犬會容易出現牙齒疾病，例如雙排牙即係乳牙未甩又長出新牙，出現呢種情況，可以俾狗狗咬乳膠棒，嘗試將舊牙黐落嚟；要注意用生理鹽水清潔雙排牙齒；如果狗狗一歲半乳牙仲未甩，就要到獸醫處進行拔牙。

認識狗狗毛髮及美容—絲毛篇（六）