據傳係十七世紀中期，由拉薩犬同北京犬培育而成嘅西施犬；西施犬嚟自中國古代嘅宮廷，一直備受中國皇族嘅喜愛；後來被帶往歐洲，係英國成立西施犬俱樂部，跟住美國認證呢款品種，開始越嚟越受歡迎。

西施犬嘅毛毛特質：毛髮華麗，平滑柔順，豐富嘅絲質毛髮，長而密集以及垂低，底層毛毛質好，毛色有各式各樣。

西施犬嘅性格開朗友善，溫順乖巧；形象優美動人，一身濃密嘅毛髮顯得華貴，非常引人注目；性格溫和，能夠同細路仔友好相處，雖然佢地嘅體型比較細，但骨骼粗壯；西施犬經常高昂行走，尾部翻捲到背上，步態比較傲慢呢個可能由於以前佢作爲宮廷犬，所以令佢有優越感。

西施犬知多D：

西施犬嘅毛髮長而密，應該每日梳理；梳理前，建議最好噴D護髮液或爽毛粉，令到毛髮光潤，唔容易打棘；梳理嘅時候先用分界梳，以尾部爲中心，頭髮爲終點，梳出一條直嘅背線，平分兩邊嘅毛毛；然後用寬齒排梳梳理毛毛，油脊骨分兩邊梳，由毛根梳至毛端。

關於西施犬紮毛方面，將佢嘅頭部嘅長毛紮起，不但可以保持外表美觀，亦都可以保護眼睛，避免長毛垂低而刺激眼睛；要注意紮嘅時候，用橡皮筋貼近頭皮嘅地方綁兩圈髮圈；另外，要注意由於西施犬嘅鼻腔較短，所以沖涼嘅時候要注意唔好將泡泡整到鼻部，如果唔係會引起窒息。

認識狗狗毛髮及美容—絲毛篇（二）