認識狗狗毛髮及美容—絲毛篇（二十） – Main Page 主頁

不列塔尼小獵犬係由法國某個地名命名，係二十世紀，美國養犬俱樂部先將呢款垂耳長毛犬登記註冊並定名為不列塔尼獵犬；不列塔尼獵犬係非常古老嘅品種，而加有兩個品種分別係不列塔尼淺黃褐格里芬犬同不列塔尼淺黃褐短腳犬。

不列塔尼小獵犬嘅毛毛特質：濃密，平坦或呈波浪狀嘅毛髮，唔會捲曲；耳仔有少少劉海或飾毛，前腳同後腳有羽狀飾毛；毛色通常係橙色同白色。

不列塔尼小獵犬性格好活潑，而且唔會認生，行動敏捷，充滿活力，具有靈敏嘅嗅覺，隨時會保持警戒，一旦發現獵物，就會指出獵物所在地，係最能享受狩獵之樂嘅優良獵犬；係法國最受歡迎嘅土生犬種，擁有正直嘅外表，令佢成為可靠同值得信賴嘅夥伴。

不列塔尼小獵犬知多D：

作為一種長毛垂耳犬，不列塔尼獵犬嘅行為方式與塞特獵犬很相似，不過體形上比塞特獵犬細，但比普通嘅長毛垂耳犬大隻；屬於短尾，有一對特徵性嘅長耳朵，有時亦都會出現斷尾；另外，佢屬於垂耳犬，需要經常清潔佢嘅耳仔，用棉棒清潔耳內污垢，注意保持耳內乾燥。

由於狗狗嘅指甲同人嘅指甲唔一樣，係彎鉤狀嘅（不透明），所以幫助不列塔尼小獵犬剪指甲時不要修剪太多，只要剪咗最頂端嘅部分，等佢嘅腳趾可以舒適平放係地面，唔影響行路；建議最好使用寵物專用嘅指甲剪，因為佢嘅指甲會隨著年齡嘅長大不斷變粗。