蝴蝶犬起源於十六世紀，以前蝴蝶犬被稱爲侏儒小獵犬，常見於珍貴嘅繪畫中；係歐洲最古老嘅品種之一，深受西班牙同法國貴族嘅喜愛。

蝴蝶犬嘅毛毛特質：豐富而纖細，絲質型垂低，直而有彈性；背部和身體兩側嘅毛毛平伏；頸部係豐富嘅褶邊而且冇底層毛；呢款狗狗耳仔上嘅裝飾毛毛就好似打開翅膀嘅蝴蝶，尤其引人注目。

蝴蝶犬嘅性格活潑好動，亦都十分黐人，經常鐘意圍繞主人前後跑跳；蝴蝶犬對主人有獨佔心，對第三者會起妒忌之心。係佢覺得受到主人冷落嘅時候，會隨便搗亂同發脾氣，甚至會隨地大小便，以此提醒主人要對佢付出絕對嘅關心同愛護。

蝴蝶犬知多D：

關於蝴蝶犬嘅護理方面，沖涼時要使用犬用中性洗髮水幫狗狗沖涼，同埋要用狗狗專用護毛素；要將毛毛處理乾淨有助於毛髮生長。另外，蝴蝶犬耳仔嘅絲毛冇身體上嘅絲毛柔順，所以每隔兩到三日要梳理一次，使用中型柄梳，梳之前先噴少少水或者護理液；梳理嘅時候發現打棘，用手指輕輕整順毛結，再用梳整理。

好多蝴蝶犬係玩耍嘅時候會相互咬耳仔毛髮或者尾部毛毛，發現呢種行爲要及時制止，避免上號狗狗嘅毛髮；另外蝴蝶犬鐘意追逐汽車，如果係出街散步嘅時候，如果發現佢想追車，可以用牽引繩放長，然後拉回亦都要批評佢嘅行爲；如果仲唔聽話，可用繩敲佢背部或者輕輕敲佢鼻頭。

認識狗狗毛髮及美容—絲毛篇（三）