澳洲牧牛犬起源比較複雜，英國有一種就快消失嘅藍色跟腳犬用於趕牛羊上船；而澳洲牧牛犬同呢款短尾犬十分相似；亦都有人話系十九世紀一個澳洲人培育過程中，利用咗澳洲野犬邊行邊補助食物嘅能力，所以培育出同而加相似嘅犬種。

澳洲牧牛犬嘅毛毛特質：順滑，雙層毛毛，底層毛短而密集；外層毛毛緊密，每一條都係打直生長，粗硬而平伏，所以可以抵擋雨水；毛毛嘅顏色通常係斑駁藍色，藍色斑點或者紅色斑點。

澳洲牧牛犬精力充沛，係一種強壯多用途而身體勻稱嘅工作犬；具有堅實，有力發達嘅肌肉；佢嘅多才多藝俾人一個機敏靈活嘅印象；通常係澳洲內陸，用於長距離引導牛群，可以適應荒郊野外嘅生活環境，以精確嘅方法控制牛群，係優秀嘅工作犬。

澳洲牧牛犬知多D：

關於澳洲牧牛犬嘅沖涼方面，建議次數唔好過於頻繁，基本夏天每兩個禮拜洗一次，冬天每個月沖一次涼，幫狗狗沖涼可以有效祛除皮膚上面積累嘅老舊皮屑；但過於頻繁嘅洗澡有可能破壞毛髮上面嘅油性保護層；沖涼注意要用溫水，注意避開眼睛，記得將毛毛完全吹乾。

幫澳洲牧牛犬梳毛要注意定期梳理，梳走平時積累嘅老舊皮屑同死毛；係選擇毛梳嘅時候要避免梳齒太硬，可以用手背試下，如果覺得痛就唔好用於狗狗身上，建議最好選擇專用嘅寵物美容梳。

由於澳洲牧牛犬主要用於控制野外散養同限定區域嘅牛群，佢嘅忠誠同保護能力有極大嘅幫助，本質上系屬於活動力強嘅戶外型犬種，餵養嘅時候要注意保持足夠嘅運動量，唔太適合城市生活或者作爲細路仔嘅陪伴，不過系一個好好嘅守門犬。

認識狗狗毛髮及美容—短毛篇(十)