認識狗狗毛髮及美容—雙層毛篇(十二) – Main Page 主頁

柴犬係西元前一千年就已經生活係日本山區，主要被用於捕獵小動物，佢地亦都係最細同最古老嘅日本犬，被日本指定爲天然嘅紀念物。

柴犬嘅毛毛特質：雙層毛，外層毛毛堅硬而直立；下層柔軟較厚而密實；耳部，腿部同面部毛短而且分佈均勻；在肩胛部嘅外層毛毛直立；尾部毛毛長少少，毛毛顏色通常爲奶油色或淺黃色。

柴犬嘅性格獨立，警戒心強，勇敢；柴犬對主人非常忠誠，感覺敏銳，警戒心強，當有陌生人接近嘅時候，佢會發出警告，挺身而出保護主人；在氣質上，雄性柴犬同雌性柴犬有較大差別，雄性柴犬性格外向，保持著野性；雌性柴犬本性溫柔。

柴犬知多D：

由於柴犬自古以來就係獵鳥獵獸犬，所以鐘意追逐雀仔；柴犬具有一定嘅攻擊性，因此出門散步要用牽引繩；訓練柴犬嘅方式先要建立信賴嘅關係，要教識佢辨別好壞，俾佢多D關愛等佢生活有規律；佢亦都適合係戶外進行運動，需要一定嘅運動量。

柴犬同秋田犬都係日本犬，生得好似，柴犬就係秋田犬嘅縮小版；柴犬嘅額頭比較平，頭型比較長，毛毛比較短，睇上去服帖；秋田犬頭頂比較闊，有少少圓，臉部有少少似熊；毛毛比較蓬鬆；柴犬嘅色澤好似木柴，以前捕獵與深山林間，所以被稱之爲柴犬。