認識狗狗毛髮及美容—絲毛篇（十三） – Main Page 主頁

羅秦犬起源於法國，係真正嘅歐洲犬種，佢嘅祖先分佈係各個南歐國家，源自文藝復興時期，羅秦犬作爲伴侶犬，備受歐洲女士嘅歡迎，亦都經常出現係歐洲畫家嘅藝術畫裡面。

羅秦犬嘅毛毛特質：通常未經修剪嘅毛髮長而密集，中等柔軟，輕度或中度嘅波浪紋；毛毛顏色比較普遍而且都可以接受。

羅秦犬嘅性格活潑外向，警惕聰明，充滿好奇心，行走步態輕鬆，經常以驕傲同活潑的步態，外向的性格氣質，係一款非常可愛嘅伴侶犬，可以開心陪伴主人，安心同小朋友玩樂。

羅秦犬知多D：

羅秦犬幼犬時期嘅毛髮比較柔軟，需要定期梳理同保持毛髮乾淨；關於佢嘅毛髮修剪方面，通常係按照獅子形進行修剪；由於佢屬於絲毛質地嘅狗狗，所以平時嘅毛髮梳理同擦拭要俾多D時間去維持毛髮健康。

羅秦犬有時候鐘意吠叫，由於心情起伏鐘意大嗌，如果出現呢種情況，要注意教育狗狗嘅行爲，先要嚴厲地語氣批評，若果冇效可以係佢亂嗌嘅時候表示無視，直至佢係面前停止亂嗌，稍等片刻在佢安撫狗狗，可以Petting或者給予零食，避免下次繼續出現呢種狀況。