認識狗狗毛髮及美容–鋼毛篇（四） – Main Page 主頁

西部高地白梗原產於英國，起源於十九世紀，係高地嘅純白色梗犬，面部容貌與狐狸相似，鼻樑比較長；據傳所有嘅蘇格蘭梗都係由一個共同嘅祖先繼承而嚟，然後再分佈到英國各地。

西部高地白梗嘅毛毛特質：外層毛髮由直而硬嘅白毛組成；頸部同背部毛髮較短，毛髮混合與修剪適當；毛髮平直，呈白色；飾毛比較柔軟，比較長，但唔會似絨毛一樣。

西部高地白梗嘅性格溫和，活潑，機靈醒目，對主人忠實開朗，倍受女士同兒童嘅喜愛；體型小巧玲瓏，隨時準備同小朋友一齊玩樂；對於每一個家庭成員來說，西部高地白梗都係令人愉快嘅伴侶，是合適嘅家庭犬。

西部高地白梗知多D：

由於西部高地白梗身型較小，所以非常適合係公寓餵養。係活動力方面，佢哋需要較多嘅活動量同活動時間。雖然佢哋非常活潑，但由於體型細，所以力量較細，不會出現主人無法掌控嘅情況；一隻成年嘅健康西部高地白梗可以每日出去散步三次，其中至少有一次係較長嘅路程。

西部高地白梗需要每日梳毛，呢款狗狗嘅鬍鬚狀態同長度需要日常進行美容，為咗唔令到佢哋嘅鬍鬚變黃氧化而斷裂，日常飲水應該使用水瓶，鬍鬚應該每日梳理，避免毛髮打棘；拔毛後嘅狗狗，背部毛髮避免使用洗毛露或者護毛素，因為油脂被洗去之後，會令到毛髮變軟，變得蓬鬆同翹起。