- 有任何問題? 請聯絡我們
- 2669 9940
- info@petpetgroup.com.hk
認識狗狗毛髮及美容–鋼毛篇（十四）
認識狗狗毛髮及美容–鋼毛篇（十三）
June 30, 2018
認識狗狗毛髮及美容-捲毛篇（一）
July 5, 2018
標準史納莎原產於德國，祖先帶有貴賓犬同德國鋼毛杜賓犬嘅血統，史納莎按體型可分為小型，標準型和大型三種；係三種史納莎裡面，標準史納莎屬於最古老嘅犬種；係十五世紀至十六世紀所記載嘅畫面一樣，好早之前史納莎就係受歡迎嘅家庭犬，亦都可以當作警衛犬用途。
標準史納莎嘅毛毛特質：緊密粗硬嘅鋼毛，濃密柔軟嘅底層毛，粗糙嘅外層毛，按照毛髮紋理，毛髮向後方生長。鼻口部同眼睛上面嘅毛髮比較長少少，形成眉毛同鬍鬚；腿部毛髮比身軀上要長少少，毛色為純黑色或者黑白混合色，不同深淺嘅鐵灰色或銀灰色。
標準史納莎嘅性格樂觀，勇敢，具有極高嘅智商，充滿智慧聰明，具有優良嘅判斷力，有活力；樂於接受訓練，對氣候同疾病有較強嘅忍耐力同抵禦力；警覺性高，對主人忠誠，通常與小朋友能夠相處融洽，係溫和嘅伴侶犬。
標準史納莎知多D：
標準史納莎係精力充沛，體格強壯嘅梗犬，發達嘅肌肉同充足嘅骨量，佢嘅身高與體長嘅比例呈正方形。毛髮濃密，粗硬且起伏係呢款品種嘅特點，具備彎彎嘅眉毛同鋼毛鬍鬚，另外，佢嘅耳仔彎曲，耳壁內容易積聚蟎蟲耳蠟，所以史納莎係幼犬時期需要剪耳，同時要定期使用洗耳水清理兩隻耳仔，避免耳仔因邋遢而患上耳疾。
標準史納莎嘅妒忌心較強，當主人將心機擺係新狗狗時，但忽略咗對佢嘅照顧，佢就會氣憤，甚至唔遵守已經養成嘅生活習慣，變得急躁同具有破壞力；亦都係因為呢種特性，需要對佢嚴加訓練，最緊要係平等對待，對佢及時關懷與留意。另外關於標準史納莎鬍鬚嘅修剪，通常先向前梳，用剪刀沿直線將鬍鬚修剪成緊靠臉頰嘅矩形形狀，唔好修剪眼睛下部嘅毛髮，可以修剪不平整凌亂嘅鬍鬚，如果唔熟練最好到寵物美容室修剪。