認識狗狗毛髮及美容—絲毛篇（十六） – Main Page 主頁

威爾斯激飛獵犬嘅歷史可以追溯到公元前七千年，佢嘅祖先犬以前被用於狩獵，中世紀時代係不列顛島，康瓦爾，威爾士，愛爾蘭和蘇格蘭的海岸線，佢係獵人狩獵生涯中的伴侶；當時有記載提到佢係狩獵中的“激飛”動作。

威爾斯激飛獵犬嘅毛毛特質：毛髮自然垂直同平伏，摸上去手感好柔軟；不會似金屬絲一樣而且唔帶波浪紋；佢嘅毛髮濃密可以有效防水，防刺同抵擋任何天氣；前腳嘅後面，係後腳跗關節以上，胸部同身體下面都帶有中等濃密嘅羽毛；耳仔同尾部有少量嘅羽毛。

威爾斯激飛獵犬嘅性格活潑，表現忠誠而摯愛；佢係卓越嘅水獵犬，十分敏銳而且工作勤奮，係任何環境條件下佢都係忠實而願意工作；它具有出色嘅嗅覺，可用於任何形式的狩獵；另外雖然對陌生人有所保留，但唔會膽怯同怕醜亦都唔會兇惡，係非常友好嘅狗狗；佢鐘意每一個家庭成員，亦都鐘意外出狩獵。

威爾斯激飛獵犬知多D：

關於照顧威爾斯激飛獵犬方面，主人需要每日帶佢出去散步或者係院內奔跑跳躍，給予一定嘅運動量；狗狗食完嘢要幫佢抹乾淨嘴以免毛髮邋遢同發黃；平時應該用專用清潔液抹乾淨佢眼睛周圍嘅邋遢嘢。

另外沖涼時要使用犬用中性洗髮水幫狗狗沖涼，同埋要用狗狗專用護毛素；要將毛毛處理乾淨有助於毛髮生長；呢款狗狗毛層較長，需要每日梳理毛髮；選擇定期帶佢去寵物美容室沖涼，如果自己幫狗狗沖涼時要注意避免將水淋濕耳仔，相反要用棉花球將耳仔抹乾，避免耳內滋生細菌。