斯開島梗起源於十七世紀，斯開島梗係與世隔絕的蘇格蘭小島斯開島上進行培育，島上嘅居民專門用佢嚟獵取水獺，獾和狐狸；最初，垂耳嘅品種比較流行，但係十九世紀時，立耳嘅品種開始普遍作為寵物同展示犬，亦都獲得維多利亞女王對呢款品種類型嘅鍾愛。

斯開島梗嘅毛毛特質：佢有雙層毛髮，底層毛髮短，濃密柔軟，較似羊毛；外層毛粗糙，直同平伏；佢嘅毛色通常係相同颜色嘅色调变化，有黑色、深色或浅灰色，或银白色等毛色。

斯開島梗嘅性格勇敢，擅長挖洞，有耐性同強壯有力，敏捷無畏，脾氣好，對主人非常忠誠。佢對熟人友善熱情，對陌生人有所保留並且持有戒心，屬於典型嘅工作梗犬，亦都係風格優雅，氣質高貴嘅狗狗之一。

斯開島梗知多D：

斯開島梗幼齡時期是生長發育嘅主要階段，身體增長迅速，因而必須供給充足嘅營養。一般出生後頭3個月主要增長軀體同體重，4〜6個月主要是增加體長，7個月後主要促進體高。因此，應按不同嘅發育階段，配製不同嘅日糧。

由於斯開島梗嘅毛髮比較長，所以必須每日梳理一次，梳理嘅時候要用防靜電梳以免毛髮變得更加彎曲；另外，佢嘅眼部經常被毛髮掩蓋遮住，需要定期檢查同清潔眼部衛生，是否眼睛分泌物過多，及時用棉棒進行清潔處理，嚴重時需要尋求獸醫治療。

認識狗狗毛髮及美容—絲毛篇（十七）