- 有任何問題? 請聯絡我們
- 2669 9940
- info@petpetgroup.com.hk
認識狗狗毛髮及美容-捲毛篇（十）
認識狗狗毛髮及美容-捲毛篇（九）
July 30, 2018
認識狗狗毛髮及美容-捲毛篇（十一）
August 4, 2018
波密犬原產於匈牙利，起源於十七世紀，最初培育用嚟驅趕牛群，近年來逐漸係匈牙利同其他國家成為普遍嘅寵物犬；祖先係嚟自波利犬，係十七至十八世紀由波利犬同松鼠犬或貴婦犬雜交而成嘅品種；係一種優秀嘅寵物犬同伴侶犬，完全可以適應戶內生活，二十世紀初被承認為獨立嘅品種。
波密犬嘅毛毛特質：祖先波利犬繩索般嘅毛髮已經慢慢退化，取而代之嘅係厚實嘅長卷毛，其中尾部，耳仔及四肢後側嘅捲毛比較長而明顯；毛髮雜亂而密實，毛色有純灰色，純黑色，純黃色，純白色等顏色。
波密犬嘅性格非常活躍，表情活潑聰明；由於係獵犬同時兼有沉著嘅氣質，非常勇敢，對陌生人會有警戒心；有時會比較嘈，行動慾望呈現係面部表情上，積極性體現係工作上面；佢嘅嗅覺非常發達，既可以作爲優秀嘅守門犬，亦都可以作爲運動犬。
波密犬知多D：
波密犬鐘意活動，尤其享受同主人一起外出散步或上街採購或者到公園遊玩，鐘意圍住主人身前身後跑動；所以需要給予佢適當嘅運動量，有助於增大食慾及消化吸收以便增強體質；餵養波密犬應該要重視食物攝取量，每日應該提供適量嘅食物以及水分；餵養期間，要經常注意狗狗嘅精神狀態及食慾情況，發現病症應該及時尋求相熟獸醫嘅治療。
波密犬幼犬時期，主人必須有充分嘅時間可以支配，需要有人經常給予管理，例如佢嘅毛髮得每日要用毛刷梳理，係炎熱嘅夏季，沖涼次數要適當增加，平時應該保持佢嘅毛髮整潔乾淨；另外，波密犬嘅趾甲生長較快，需要及時修剪，尖銳嘅趾甲容易整親皮膚。
如果有關於波密犬嘅小貼士，歡迎係我哋嘅website/facebook/instagram留言。