愛爾蘭水獵犬起源於十九世紀，係由查士丁麥卡錫領先培育出現，由於佢對呢款品種嘅來源嚴格保密，所以好難準確知道愛爾蘭水獵犬嘅血統；有人認為可能係葡萄牙水犬或其他長捲毛品種比如貴婦犬等與愛爾蘭本地犬雜交繁殖而成；十九世紀中期愛爾蘭水獵犬首次係伯明翰亮相，後來成立第一個俱樂部。

愛爾蘭水獵犬嘅毛毛特質：適當厚度嘅雙層毛髮可以幫呢款狗狗提供保護作用；頸項，背部同身體兩側嘅毛髮密集而緊實，比肋骨上面嘅毛稍微長少少；前腳由非常捲曲或者係波浪紋嘅毛髮覆蓋；後腳都係由垂落嘅捲曲或者係波浪紋毛髮覆蓋。

愛爾蘭水獵犬係一款深受大家喜愛嘅伴侶犬，結合勇敢同堅毅嘅性格，充滿活躍同熱情嘅氣質；頂髻上長而鬆散嘅捲毛係佢嘅特徵，身軀上面覆蓋著濃密，清晰嘅棕色捲毛，與平滑嘅臉部及“老鼠”尾部形成鮮明嘅對照；性情快樂，順從，聰明，敏感而頑皮；佢係獵犬中身材最魁梧嘅成員，具備優秀嘅捕獵本能。

愛爾蘭水獵犬知多D：

愛爾蘭水獵犬對運動嘅需求會超過其他狗狗，所以每日都應該俾佢足夠嘅活動時間，幫助佢達到所需的運動量，運動方面可以選擇係天氣適宜情況下帶狗狗去游水；另外呢款狗狗鐘意乾淨，每日幫佢梳刷毛髮，保持毛髮乾淨同靚麗；定時幫佢沖涼。

梳理毛髮應該按照毛髮嘅方向快速梳拉，注意梳理細茸毛同底層毛，由於底層毛細軟綿密，所以長期唔梳理會形成纏結，因此係梳理嘅時後，應該一層一層咁樣梳，記得將外層毛翻起，然後對佢嘅底層毛進行梳理。

愛爾蘭水獵犬比較容易接受訓練，所以由細就應該對佢進行必要嘅調教，教導佢服從命令，聽從主人指揮，仲應該教佢避免用牙齒同腳部撕扯屋企嘅衫褲，窗簾，台布等物件，做錯事嘅時候主人要嚴肅批評，避免壞習慣再次發生；另外，呢款狗狗會習慣吠叫，所以一定要注意狗狗行爲訓練。

如果有關於愛爾蘭水獵犬嘅小貼士，歡迎係我哋嘅website/facebook/instagram留言。

認識狗狗毛髮及美容-捲毛篇（八）