大丹犬最初係生長於地中海嘅亞南地區，之後跟住早期嘅波斯商人到咗德國，大丹犬嘅英文名係由佢嘅法語名“巨大嘅丹麥犬”翻譯而來，呢款狗狗可能同灰色嘅獵犬雜交過，所以具備高雅嘅氣質；亦都叫做德國獒，曾經被歐洲王室同貴族餵養，係貴族身份地位嘅象徵。

大丹犬嘅毛毛特質：毛毛短而厚，外表清潔而富有光澤；毛色通常會係黃褐黑白等顏色。

大丹犬嘅第一印象比較威武，性格比較容忍謙讓，對熟悉嘅朋友仔同小動物友善溫和，無論係外表或者天性，大丹犬都是最爲優雅，高貴的，具有王者嘅氣質；但係同佢大細差唔多嘅動物，最好都係唔好撩呢隻大型嘅狗狗；由於外表高貴，體型大，強壯有力，適合長途跋涉，人稱爲太陽神之犬。

大丹犬知多D:

大丹犬係工作犬種，尤其鐘意跑步，建議最好每日帶佢出街玩，唔好成日悶係屋企，體型龐大嘅大丹犬鐘意舒適嘅生活，尤其是溫暖嘅被竇，到咗冬天要注意幫狗狗保暖避寒；

大丹犬嘅成長速度非常之快，快速嘅生長容易導致身體部位發育不良，注意定期帶佢到醫院檢查身體，嚴格控制狗狗嘅體重，避免體型超重壓迫正在發育嘅關節，加上日常運動，保持關節健康；

另外要幫大丹犬梳理毛髮要用專業嘅寵物橡膠刷，質地柔軟，對於佢毛髮短嘅皮膚唔容易造成傷害，梳理毛髮嘅時候，動作一定要緩慢，將橡膠刷貼住狗狗嘅皮膚，順住毛髮生長嘅方向輕柔梳理，避免大力扯痛大丹犬而嫐爆爆。

歡迎朋友仔係我哋嘅website/facebook/instagram分享留言~！

認識狗狗毛髮及美容—軟毛篇(二十七)